ಕಿಂಗ್ ಫಿಶರ್ ನಲ್ಲಿ ಹೈದರಾಬಾದ್ ಗೆ

ಕಿಂಗ್ ಫಿಶರ್ ವಿಮಾನದಲ್ಲಿ ಪ್ರಯಾಣಕ್ಕೆ ಅಂತಿಮ ನಿರ್ಧಾರ

ಎಲ್ಲರ ಸ್ನೇಹಪೂರ್ವಕ ಆಗ್ರಹ ಮತ್ತು ಸ್ವ-ಇಚ್ಛೆಯಿಂದ ಕಿಂಗ್ ಫಿಶರ್ ಏರ್ಲೈನ್ಸ್ ನ ಮುಂಗಡ ಬುಕ್ಕಿಂಗ್ ಸಿಬ್ಬಂಧಿಯೊಂದಿಗೆ ದೂರವಾಣಿ ಸಂಪರ್ಕ ಸಾಧಿಸಿದೆ ಮತ್ತು ನಾನು ಸಂಗ್ರಹಿಸಿದ ವಿವರದಂತೆ "ನಮಗೆ ದಿ.೦೫/೧೦/೧೧ ರ ಮದ್ಯಾನ್ಹ ೪.೩೦ಕ್ಕೆ ಬೆಂಗಳೂರಿನಿಂದ ಹೊರಡುವ ಕಿಂಗ್ ಫಿಶರ್ ವಿಮಾನ (ಸಂಖ್ಯೆ: ಐಟಿ-೨೪೩೫) ನಮಗೆ ಸುಮಾರು ೩೦ ಸೀಟುಗಳನ್ನು ಕಾಯ್ದಿರಸಬೇಕಾಗುತ್ತದೆ ಆದ್ದರಿಂದ ಅದಕ್ಕೆ ತಾವು ನಮ್ಮಿಂದ ಬಯಸುವ ವಿವರಗಳೇನು ಮತ್ತು ಗುಂಪಿನಲ್ಲಿ ಮುಂಗಡ ಬುಕ್ಕಿಂಗ್ ಮಾಡುತ್ತಿರುವುದರಿಂದ ನಮಗೆ ನಿಮ್ಮಿಂದ ಸಿಗುವ ರಿಯಾಯಿತಿ ಎಷ್ಟು?" ಎಂಬುದನ್ನು ಪ್ರಶ್ನಿಸಿದೆ. ದಿನಾಂಕ ೩೦/೦೭/೨೦೧೧ ರಂದು ನನಗೆ ಕಿಂಗ್ ಫಿಶರ್ ಸಿಬ್ಬಂಧಿಯವರಿಂದ ಈ-ಮೇಲ್ ಒಂದು ಬಂದಿತ್ತು. ಅದರಲ್ಲಿ ಅವರು ವಿಮಾನ ದರವನ್ನು ರೂ.೧,೮೭೫/- ಎಂದು ನಮೂದಿಸಿದ್ದರು. ಇದರಿಂದ ಆಶ್ಚರ್ಯ ಚಕಿತನಾದ ನಾನು ನನಗೆ ಈ-ಮೇಲ್ ಮಾಡಿದ್ದ ಹೇಮಾಮಾಲಿನಿಯನ್ನು ಸಂಪರ್ಕಿಸಿ ವಿವರಣೆ ಕೇಳಿದೆ. ಅದಕ್ಕೆ ಅವರು ಕೊಟ್ಟ ಉತ್ತರವೆಂದರೆ "ಆ ವಿಮಾನದಲ್ಲಿರುವ ರೂ.೧,೫೩೦/- ಮೌಲ್ಯದ ಒಟ್ಟು ಸಂಖ್ಯೆ ಕೇವಲ ೧೪ ಆಗಿದ್ದು ಈಗ ಲಭ್ಯವಿರುವ ಈ ದರದ ಸೀಟುಗಳ ಸಂಖ್ಯೆ ಕೇವಲ ೬. ಆದ್ದರಿಂದ ನಾನು ನಿಮಗೆಲ್ಲರಿಗೂ ಮೇಲ್ದರ್ಜೆಯ ಸೀಟುಗಳನ್ನು ರಿಯಾಯಿತಿ ದರವಾದ ರೂ.೧,೮೭೫/- ರಲ್ಲಿ ಒದಗಿಸುತ್ತಿದ್ದೇನೆ" ಎಂದು ತಿಳಿಸಿ ಇದಕ್ಕಾಗಿ ನಾವು ಪ್ರಯಾಣಿಕರ ಹೆಸರು (ಫೋಟೋ ಸಹಿತ ಗುರುತಿನ ಚೀಟಿಯಲ್ಲಿರುವಹಾಗೆ) ನಮೂದಿಸಿ, ಅವರ ಹುಟ್ಟಿದ ದಿನಾಂಕ ದೊಂದಿಗೆ ಅವರಿಗೆ ಕಳುಹಿಸಿದಲ್ಲಿ ಅವರು ಮುಂದಿನ ಕ್ರಮ ಕೈಗೊಳ್ಳುತ್ತೇವೆ ಮತ್ತು ಈಗ ನಮೂದು ಮಾಡಿರುವ ಈ ದರ ಕೇವಲ ದಿನಾಂಕ ೦೩/೦೮/೧೧ ರ ಮದ್ಯಾನ್ಹ ೩ ಘಂಟೆಯವರೆಗೆ ಚಾಲ್ತಿಯಲ್ಲಿರುತ್ತದೆ ಎಂದರು. ಈ ವಿಷಯವನ್ನು ನಾನು ಎಲ್ಲಾ ಸಹ ಪ್ರಯಾಣಿಕರಲ್ಲಿ ಪ್ರಸ್ತಾಪ ಮಾಡಿದೆ ಅದರಲ್ಲಿ ಕೆಲವರು ಅದಲ್ಲದೇ ಬೇರೆ ವಿಮಾನದಲ್ಲಿ ವಿಚಾರಿಸು ಅಥವಾ ಇನ್ನೊಬ್ಬ ಏಜೆಂಟರ ಮೂಲಕ ವಿವರ ಪಡೆದುಕೊ ಎಂಬಿತ್ಯಾದಿ ಸಲಹೆಗಳನ್ನು ನೀಡಿದರು. ಮುರಳಿ, ಗಾಯಕ್ವಾಡ್, ಸುಬ್ಬಣ್ಣ ಮತ್ತು ಕೆಲವರು ವಿಮಾನದಲ್ಲಿ ಹೋಗುವುದೇ ನಿಜವಂತೆ ಇನ್ನೂರು-ಮುನ್ನೂರು ರೂಪಾಯಿಗೆಲ್ಲಾ ಯಾಕಿಷ್ಟೊಂದು ಚಿಂತೆ ಎನ್ನುವುದರ ಮೂಲಕ ಈ ದರಕ್ಕೂ ನಮ್ಮ ಅಭ್ಯಂತರವಿಲ್ಲ ಎಂಬುದನ್ನು ನೇರವಾಗಿ ಒಪ್ಪಿಕೊಂಡರು. ಆಗ ನಾನು ಮತ್ತೆ ಹೇಮಾಮಾಲಿನಿಯನ್ನು ಸಂಪರ್ಕಿಸಿ ನಮಗೆ ಸಂಜೆ ೫.೩೫ಕ್ಕೆ ಬೆಂಗಳೂರಿನಿಂದ ಹೊರಟು ಸಂಜೆ ೭ ಘಂಟೆಗೆ ಹೈದರಾಬಾದ್ ತಲುಪುವ ವಿಮಾನ (ಸಂಖ್ಯೆ: ಐಟಿ-೨೪೩೯) ನಲ್ಲಿ ತಗಲಬಹುದಾದ ವೆಚ್ಚದ ಕುರಿತು ಮಾಹಿತಿ ನೀಡುವಂತೆ ಕೇಳಿದೆ. ಏತನ್ಮಧ್ಯೆ ನಾನು ಇತರೆ ಏಜೆಂಟರ ಜೊತೆ ಮತ್ತು ಕಿಂಗ್ ಫಿಶರ್ ಅಲ್ಲದೇ ಇತರೇ ವಿಮಾನಗಳಲ್ಲಿನ ದರ ಕುರಿತ ವಿವರಗಳನ್ನು ಸಂಗ್ರಹಿಸಲು ಶುರುಮಾಡಿದೆ. ಇದೆಲ್ಲವನ್ನೂ ಪರಿಶೀಲಿಸಿದಾಗ ಕಿಂಗ್ ಫಿಶರ್ ನ ಈ ದರವೇ ಕಡಿಮೆ ಖರ್ಚಿನದ್ದಾಗಿ ಕಂಡು ಬಂತು. ಇವೆಲ್ಲದರ ನಡುವೆ ನಾನು ಪ್ರಯಾಣಿಕರ ಅಂತಿಮ ಪಟ್ಟಿ ತಯಾರಿಯಲ್ಲಿ ತೊಡಗಿಕೊಂಡು ಎಲ್ಲರ ಸಂಪೂರ್ಣ ಹೆಸರು ಮತ್ತು ಹುಟ್ಟಿದ ದಿನಾಂಕ ಮತ್ತು ಅವರ ಬಳಿ ಲಭ್ಯವಿರುವ ಫೋಟೋ ಸಹಿತ ಗುರುತಿನ ಚೀಟಿಯ ಮಾಹಿತಿಯನ್ನೂ ಸಂಗ್ರಹಿಸಿದೆ. ಇಷ್ಟರ ನಡುವೆ ನನ್ನ ಗೆಳೆಯ ವಿಮಲಾನಂದ (ಟ್ರಾವೆಲ್ ಏಜೆಂಟ್) ನ ಬಳಿ ಇದರಬಗ್ಗೆ ವಿಚಾರಿಸಿದಾಗ ಅವನು ತನ್ನ ಇನ್ನೊಬ್ಬ ಸ್ನೇಹಿತನ ಬಳಿ ವಿಚಾರಿಸಿ "ಈ ವಿಮಾನದಲ್ಲಿನ ಎಲ್ಲಾ ವರ್ಗದ ಸೀಟುಗಳ ಒಟ್ಟು ಸಂಖ್ಯೆ ೪೬. ಅದರಲ್ಲಿ ಎಕಾನಮಿ ಕ್ಲಾಸ್ (ರೂ.೧,೫೩೦/- ದರದ್ದು) ನ ಸೀಟುಗಳ ಒಟ್ಟು ಸಂಖ್ಯೆ ೧೫. ಆದ್ದರಿಂದ ನಾವು ಗ್ರೂಪ್ ಬುಂಕಿಂಗ್ ಗೆ ಕೇಳಿದಾಗ ಅವರು ಉನ್ನತ ದರ್ಜೆಯ ಸೀಟುಗಳನ್ನು ಕಡಿಮೆ ದರದಲ್ಲಿ ನೀಡುತ್ತಾರೆ" ಎಂದು ತಿಳಿಸಿದ. ಈ ವಿಷಯವನ್ನು ನಾನು ನಮ್ಮ ಎಲ್ಲಾ ಸಹ ಪ್ರಯಾಣಿಕರಿಗೆ ಮತ್ತು ವಿಕಾಸ್ ರವರಿಗೆ ತಿಳಿಸಿದೆ. ಅವರು ತೊಂದರೆ ಇಲ್ಲಾ ಈ ದರದಲ್ಲೇ (ರೂ.೧,೮೭೫/-) ಬುಕಿಂಗ್ ಮಾಡಲು ಕಿಂಗ್ ಫಿಶರ್ ನವರಿಗೆ ತಿಳಿಸಿ ಎಂದು ಹೇಳಿದರು. ಈ ಎಲ್ಲಾ ಪ್ರಕ್ರಿಯೆ ಮುಗಿಯುವ ಹೊತ್ತಿಗೆ ೦೧/೦೮/೧೧ ರ ಕೆಲಸದ ಸಮಯವೂ ಮುಗಿದಿತ್ತು.